網紅的藏寶箱0810 - 0811 宇宙船 扭蛋劇場 BOSS
N: OK，醒醒定定呀！精神！對對啲問題先，廢事一陣問錯嘢又俾人鬧。
A: 唔怕㗎，有新聞自由㗎嘛！問咩都得㗎。
N: FRESH GRAD？
A: 係呀，我好有熱誠㗎！
N: 唔好有熱誠！
A: 下？
N: 上兩個星期我地有個同事太有熱誠，訪問期間鐘意咗人，而家瀨晒嘢，唔該！控制下你自己！
N: 仲有咩問題？
A: 冇問題。
N: 你做訪問你冇問題？
A: 哦！我可唔可以問……
N: 唔可以。
A: 我都未問……
N: 問得即係有懷疑，有懷疑即係唔可以，下一條吖。
A: 我地請佢為香港打打氣吖，香港人一定鍾意。
N: 我地唔做香港人鍾意嘅嘢㗎，哩個唔係我地台嘅作風，你再諗過啦。
A: 問佢有冇睇星夢得唔得？算係我地台嘅作風喇啩？
N: 你真係……佢一陣喺我地台又推隔離台嗰套咩吹奏手，我地咪又係瀨嘢！
A: 咁我可唔可以問佢退役之後有冇興趣加入紀律部隊？
N: 你哩啲咪心地唔好囉！人地貴為本地嘅鐵飯碗之首！即係最top呀！佢退役，加入紀律部隊，咪即係降職？
A: 我見好多紀律部隊退役之後都有做看更，唔算降職吖，轉工啫，況且職業無分貴賤吖……
N: 如果職業無分貴賤，看更就唔洗叫自己保安主任啦！個記者瀨嘢之後，就唔洗叫返自己做主持啦……職業無分貴賤 :0) on9
Search